Акылбек Жапаров Казакстандын жаңы премьерин куттуктап, Кыргызстанга чакырды

© Пресс-служба правительства / Алишер АлиевМинистрлер кабинетинин төрагасы Акылбек Жапаров. Архивдик сүрөт
Министрлер кабинетинин төрагасы Акылбек Жапаров. Архивдик сүрөт - Sputnik Кыргызстан, 1920, 11.01.2022
Жазылуу
Жапаров Казакстандын премьер-министрине жооптуу мамлекеттик кызматта ийгиликтерди, ал эми бир тууган казак элине тынчтык жана гүлдөп өнүгүүнү каалап өткөн.
БИШКЕК, 11-янв. — Sputnik. Министрлер кабинетинин төрагасы Акылбек Жапаров Алихан Смаиловду Казакстандын премьер-министри кызматына дайындалышы менен куттуктады. Бул тууралуу өкмөттүн маалымат кызматы кабарлады.
"Сиздин зор тажрыйбаңыз жана кесипкөйлүгүңүз боордош өлкөбүздү кайгылуу окуялардан кийин тез арада калыбына келтирүүгө кызмат кылып, аны туруктуу өнүгүү жолуна кайтарарына ишенем. Эки мамлекеттин элинин кызыкчылыгы жана бакубаттуулугу үчүн келечекте эки тараптуу мамилелерди өнүктүрүүдө жана чыңдоодо биргелешкен активдүү ишке даярмын", — деп жазылат куттуктоодо.
Жапаров Казакстандын премьер-министрин 2022-жылы Кыргызстанга расмий сапар менен келип кетүүгө чакырган. Ал Алихан Смаиловго чың ден соолук, бакубаттуулук жана жооптуу мамлекеттик кызматта ийгиликтерди, ал эми бир тууган казак элине тынчтык жана гүлдөп-өнүгүүнү каалап өткөн.
Эске салсак, бүгүн, 11-январда, Казакстандын парламенти Алихан Смаиловду премьер-министр кылып шайлады. Анын талапкерлигин президент Касым-Жомарт Токаев сунуштаган.
Круглый стол Сотрудничество КР и РФ в сферах миграции, образования и медицины - Sputnik Кыргызстан, 1920, 11.01.2022
Радио
Бактыгулов: Казакстандын ички саясаты Кыргызстандыкынан көп айырмаланбайт
Жаңылыктар түрмөгү
0