Мусулмандарга Жаңы жыл тосууга болобу? РФ муфтийи талаш пикир боюнча үн катты

© AFP 2023 / ANWAR AMROМуфтий. Архив
Муфтий. Архив - Sputnik Кыргызстан, 1920, 02.01.2022
Жазылуу
Муфтий радикалдардын Жаңы жылды башка диндин өкүлдөрү менен бөлүшүү кубанычын ишенимден чыгуу катары көрсөтүү аракети туура эмес экенин белгилеген.
БИШКЕК, 2-янв. — Sputnik. Жаңы жылды майрамдоо жана балдардын балаты оюн-зоогуна катышуусу мусулмандарды динге чыккынчы кылбайт. Бул тууралуу РИА Новости басылмасына Россия Федерациясынын этностор жана конфессиялар аралык мамилелерди гармонизациялоо боюнча коомдук палатанын төрагасы, Россия мусулмандарынын дин ассамблеясынын (РДМ) төрагасы, муфтий Альбир Крганов билдирди.
Крганов "мусулман үй-бүлөнүн балдары Жаңы жылдык балатыга катышса болобу?" деген суроого жооп берип жатып: "Бул майрамга байланыштуу Россиядагыдай эле башка өлкөлөрдө да мусулмандардын баарына белгилүү болгон так түшүндүрмөлөр бар. Жаңы жыл — биздин мамлекеттин светтик майрамы, ал көп жылдардан бери календарда белгиленип келет. Мусулмандар да бул күнү бүткүл дүйнө менен бирге кубанып, жакшылыгын бөлүшсө дүйнө таанымына жана ишенимине шек жаралбайт. Алар майрамга чейин кандай болсо, майрамдан кийин деле ошол мусулман боюнча калат", — деди.
Муфтий белгилегендей, бул маселе көптөгөн диний көз караштагы адамдарды ойлондуруп келген. "30 жылдан ашык өтөгөн руханий кызматымды эстесем, жылына ушул суроону беришет", — деди ал.
Крганов белгилегендей, радикалдардын Жаңы жылды башка диндин өкүлдөрү менен бөлүшүү кубанычын ишенимден чыгуу катары көрсөтүү аракети туура эмес. "Мындай кылууга болбойт", — деди ал.
Празднование Нового 2022 года в Оше - Sputnik Кыргызстан, 1920, 02.01.2022
Кыргызстан эс алуу боюнча алдыга чыкты. Мурдагы союздук өлкөлөрдүн рейтинги
Кыз майрам учурунда. Архив - Sputnik Кыргызстан, 1920, 31.12.2021
Психолог майрамдык маанай жаратуунун ыкмасын айтты
Жаңылыктар түрмөгү
0