Таң калып жатабыз! "Кумтөр" финансы министринин айткандарына жооп кайтарды

© Sputnik / Табылды КадырбековФинансы министри Алмаз Бакетаев. Архив
Финансы министри Алмаз Бакетаев. Архив - Sputnik Кыргызстан, 1920, 15.12.2021
Жазылуу
Yandex newsTelegram
Буга чейин Финансы министрлиги "Кумтөр голд компани" ишканасынын төккөн салыгы боюнча маалымат берген. Компания маалымат толук эмес экенин айтып чыкты.
БИШКЕК, 15-дек. — Sputnik. "Кумтөр голд компани" ишканасы буга чейин финансы министри Алмаз Бакетаев айткандай 2021-жылдын 11 айында 6,9 миллиард сом эмес, 11,7 миллиард сом салык төлөгөн. Бул тууралуу аталган компания ЖМКлардагы Финансы министрлигинин билдирүүсү боюнча комментарий берип жатып айтты.
Эске салсак, 13-декабрь күнү депутат Осмон Турдумамбетов парламент комитетинин бюджет жана каржы боюнча жыйынында финансы министри Алмаз Бакетаевден Кумтөр кенинин алтыны кайда кетип жатканын сурап, министр мындай маалыматы жок экенин билдирген. Бирок 15-декабрда Финансы министрлиги алтындын сатылышы боюнча "Кыргыз алтын" ишканасы жоопкер экенин айтып, "Кумтөр голд компани" ишканасынын төккөн салыгы боюнча маалымат берген. Ага ылайык, ишкана 2020-жылы 9 миллиард 618,7 миллион сом, 2021-жылдын 11 айында 6 миллиард 998,8 миллион сом төлөгөнү маалым болгон.
"Биз Финансы министрлигинин кызматкерлери өзүнүн жетекчисине толук маалымат бербегенине абдан таң калып жатабыз. Алмаз Бакетаев ЖМКларга дүң киреше салыгы боюнча гана айтты. Ооба, 11 ай ичинде дүң киреше салыгынын көлөмү 6 миллиард 998 миллион сомду түзгөн, бул пландалган суммадан бир аз көбүрөөк. Бирок биз салыктын башка түрүн, жыйымдарды дагы төлөдүк. Анын баарын кошкондо 11 ай ичинде 11 миллиард 714 миллион сом төгүлгөн (план боюнча 8 миллиардов 2 миллион болчу), —деп айтылат билдирүүдө.
Компания жылдын жыйынтыгы тууралуу отчеттор жаңырчу жылдын баштапкы айларында расмий сайтына жарыялана турганын кошумчалады.
Кумтөр алтын кени - Sputnik Кыргызстан, 1920, 10.12.2021
Акылбек Жапаров "Кумтөр" боюнча дүйнөлүк коомчулукка кайрылуу жасады
Алтын зергер чынжыр, 750 проба. Архив - Sputnik Кыргызстан, 1920, 10.12.2021
ЕАЭБде зер буюмдардын эн тамгасы таанылат. Кыргыз зергерлерин тушаган бюрократия
Жаңылыктар түрмөгү
0