Сузакта 10 күн мурда жоголгон окуучу кыздын сөөгү табылды

© Sputnik / Табылды КадырбековМилиция кызматкери. Архив
Милиция кызматкери. Архив - Sputnik Кыргызстан, 1920, 28.11.2021
Жазылуу
27-ноябрда Сузак райондук милиция бөлүмүнө жергиликтүү тургун телефон чалып, Арал айылындагы Көк-Арт суусунун жээгинен болжол менен 8-12 жаштагы кыздын сөөгү табылганын кабарлаган.
БИШКЕК, 28-ноя. — Sputnik. Сузак районунда мектепке кеткен бойдон дайынсыз болуп жаткан тогуз жаштагы Сумая Хосилжанованын cөөгү табылды. Бул тууралуу Жалал-Абад облустук ички иштер башкармалыгы билдирди.
Маалым болгондой, 27-ноябрда болжол менен саат 17:00 чамасында Сузак райондук милиция бөлүмүнө жергиликтүү тургун телефон чалып, Арал айылындагы Көк-Арт суусунун жээгинен болжол менен 8-12 жаштагы кыздын сөөгү табылганын кабарлаган.
Жерине Сузак РИИБинин ыкчам тергөө тобу барып, сөөктү карап чыккан соң ал дайынсыз жоголгон Сумая Хосилжанова экени белгилүү болгон.
Аталган факт Сузак милициясы тарабынан Кылмыш жана жоруктардын бирдиктүү реестрине катталып, сотко чейинки өндүрүш иши ачылды.
Эске салсак, наристе 18-ноябрь күнү саат 12:40тар чамасында окууга кеткен бойдон кайткан эмес. Ошондон тарта аны укук коргоо органдары издеп жаткан.
Жаңылыктар түрмөгү
0