Диплом чырынан улам БШК Рыскелди Момбековду жарыштан четтетти

© Фото / пресс-служба Жогорку КенешаДепутат Рыскелди Момбеков. Архив
Депутат Рыскелди Момбеков. Архив - Sputnik Кыргызстан, 1920, 24.11.2021
Жазылуу
Талапкер дипломун мыйзамдуу жол менен алганын далилдей албаганына байланыштуу шайлоого катышуу укугунан ажыратылды.
БИШКЕК, 24-ноя. — Sputnik. Борбордук шайлоо комиссиясы парламенттик шайлоого "Социал-демократтар" партиясы менен катышып жаткан Рыскелди Момбековду жарышттан четтетти.
БШКнын жумушчу тобу талапкер дипломун мыйзамдуу жол менен алганын далилдей албаганына байланыштуу аны каттоодон чыгарууну сунуштады. Натыйжада БШКнын 10 мүчөсүнүн макулдугу менен Момбеков шайлоого катышуу укугунан ажыратылды.
Белгилей кетсек, УКМК БШКга Рыскелди Момбеков Кыргыз улуттук университетинде "юриспруденция" адистигин окуганы тууралуу дипломун мыйзамсыз алганын кабарлаган. Ал документтин негизинде Дипломатиялык академиядан “эл аралык мамилелер” адистигин сырттан окуп, экинчи дипломун алган.
Шайлоо мыйзамынын жаңы эрежесине ылайык, жогорку билими жок жарандар парламенттик шайлоого катыша албайт. Момбеков талапкер катары катталып жатканда Дипакадемиядан алган дипломун көрсөткөн.
Талапкер дипломун жасалмалаганын айтып УКМКга 2020-жылдын мартында Бакыт Шаршембиев кайрылган.
Аталган жаран 2018-2019-жылдары Маалыматтык технологиялар жана байланыш мамлекеттик комитетин жетектеген. Буга чейин да ал Момбековду жалган маалымат тараткан деп 1 миллион сомдук доо койгон. Бирок Сокулук райондук соту 25 миң сом айып салган.
Жаңылыктар түрмөгү
0