12:21 18 Үчтүн айы 2021
Түз эфир
  • USD84.4817
  • EUR102.4848
  • RUB1.1487
Коом
Кыскача шилтеме алуу
441 0 0

Мурунку чиновник эл өкүлүн жалган маалымат таратты деп айыптап, бир миллион сомдук доо койгон.

БИШКЕК, 26-июл. — Sputnik. Маалыматтык технологиялар жана байланыш мамлекеттик комитетинин мурдагы төрагасы Бакыт Шаршембиев Жогорку Кеңештин депутаты Рыскелди Момбековду соттон утуп алды. Бул маалыматты Sputnik Кыргызстан агенттигине мурдагы аткаминер өзү тастыктады.

Анын айтымында, жараян бүгүн, 26-июлда, Сокулук райондук сотунда болгон. Шаршембиев депутатты жалган маалымат таратты деп даттанып, 1 миллион сомдук доо койгон.

"Рыскелди Момбеков жаңы өкмөт куралып жатканда "мени буга беш кылмыш иши козголгон, кантип алып келип жатасыңар" деп айткан. Кийин "тогуз жолу козголгон" деп бир нече жолу айта берди. Анан мен 2018-жылдын октябрь айында сотко кайрылгам. Бүгүн сот анын айткандарын "жалган" деген чечим чыгарып, 25 миң сом айып пул салды", — деди Шаршембиев.

Бакыт Шаршембиев Маалыматтык технологиялар жана байланыш мамлекеттик комитетинин төрагасы болуп 2018-жылдын 20-апрелинде дайындалган. Ал эми "КТ Мобайл" чуусунан кийин ушул жылдын 21-майында кызматтан кеткен.

Тема боюнча

Депутат Момбеков: көрүнбөй кеткенимдин себеби бар
Момбеков: "бажа гейт" аяктай электе "бажы гейт" чыкты
Белгилер:
кызмат, айып пул, сот, Рыскелди Момбеков, Бакыт Шаршембиев

ЭҢ МААНИЛҮҮ