Кыргызстанда ветеринария тармагында өзгөчө кызмат көрсөтүүлөр иштелип чыкты

© Sputnik / Табылды КадырбековКороодогу уйлар. Архив
Короодогу уйлар. Архив - Sputnik Кыргызстан, 1920, 20.11.2021
Жазылуу
Жаңычылдык аркылуу ар бир жаран идентификациядан өткөн мал-жандык, ветеринардык коштоочу документтердин аныктыгы тууралуу так маалыматтарды ала алат.
БИШКЕК, 20-ноя. — Sputnik. Кыргызстанда мал кармагандар үчүн "мал чек", "док чек" жана "сиздин ветеринардык дарыгер" сыяктуу атайын кызмат көрсөтүүлөр иштелип чыкты. Бул туурасында өлкөнүн Айыл чарба министрлигинин маалымат кызматы билдирди.
Долбоор "Санариптик Кыргызстан —  2019-2023" санариптик трансформациялоо концепциясынын алкагында иштелген. Ал Жаныбарларды идентификациялоо жана көзөмөлдөө системасы тутумунун башкы бетине чыгарылды.
  • "Мал чек" кызматынын жардамы менен ар бир жаран идентификациядан өткөн жаныбарлар жөнүндө толук маалымат ала алат;
  • "Док чек" кызматынын жардамы менен ар бир жаран ветеринардык коштоочу документтердин аныктыгын текшере алат;
  • "Сиздин ветеринардык врач" кызматынын жардамы менен ар бир жаран өзүнүн регионунда (жашаган жерде) ветеринардык кызматтарды көрсөткөн мал доктурлардын дарегин биле алат.
Мындан сырткары, "жаныбарды каттоо", "жаныбарды каттоодон чыгаруу", "жаныбарды чек арадан чыгарууда жана киргизүүдө каттоо" кызматтары аркылуу ар бир жаран өзүнүн регионунда (жашаган жерде) кызмат көрсөткөн ветеринар адиске билдирүү жибере алат.
Жаңылыктар түрмөгү
0