Өмүрзаков Таласбек Кимсанович — өмүр баяны
05:10 15.11.2021 (Жаңыртылды: 14:27 14.12.2021)
© Фото / пресс-служба партии "Азаттык"
Жазылуу
Таласбек Өмүрзаков 1958-жылы 28-августта Жалал-Абад облусуна караштуу Базар-Коргон районундагы Акман айылында туулган. Кыргыз мамлекеттик университетинин бухгалтердик эсеп жана экономика факультетин аяктаган.
Эмгек жолу:
- 1980-1982 — Ош шаардык өнөр жай соодасында бухгалтер-текшерүүчү;
- 1985-1987 — "Главкыргызводстрой" трестинин жумуш менен камсыз кылуу №1 башкармалыгынын начальнигинин орун басары;
- 1987-1994 — Суу чарба министрлигинде жетекчилик кызматта иштеген;
- 1994-1995 — Ош шаардык мамлекеттик администрациясынын башчысынын жардамчысы;
- 1995-1996 — Финансы министрлигине караштуу Ош шаардык мамлекеттик салык инспекциясынын башчысынын орун басары, андан кийин начальниги;
- 1996-1998 — Ош облустук базарлар башкармалыгынын башкы директорунун орун басары;
- 1998-1999 — Финансы министрлигине караштуу Талас облусу боюнча мамлекеттик салык инспекциясынын башчысынын орун басары;
- 1999 — Ош облустук мамлекеттик администрациясынын башчысынын кеңешчиси;
- 1999-2001 — Ош облустук мамлекеттик мүлк фондунун төрагасы;
- 2001-2002 — Финансы министрлигине караштуу Финансы полициясынын башкармалыгынын начальниги;
- 2002-2004 — Президенттин администрациясынын уюштуруу иштери жана мамлекеттик башкаруу саясаты бөлүмүнүн ассистенти;
- 2003-2014 — High Technologies ЖЧКсынын башкы директору;
- 2014-2017 — Транспорт жана коммуникациялар министрлигинин алдындагы Салмак-габариттик көзөмөл департаментинин директорунун орун басары.
Үй-бүлөлүү, эки баланын атасы.
