"Кыргызстан-Азия — 2021" студенттик форумун уюштурууга Россиянын Билим берүү министрлиги, "Россотрудничество" жана башка демөөрчүлөр колдоо көрсөттү. Бул тууралуу Садык Тиллебаев Sputnik Кыргызстан радиосунда маек куруп жатып билдирди.
Тиллебаев: Россиянын колдоосу менен студенттик форум өттү
Анын айтымында, 71 ЖОЖдон турган "Азия университеттеринин ассоциациясынын" жыйыны эки жылда бир уюштурулуп, анын алдында студенттик форум өтүп келет.
"Кыргызстан-Азия — 2021" студенттик форуму 2012-жылдан бери өтүп келет. Алгач Алтай мамлекеттик университетинде чоң иш-чара өтүп, анда "Азия университеттеринин ассоциациясы" түзүлгөн. Ага Россиядан, Кытайдан, Монголиядан, Армениядан, Сингапурдан, Малайзиядан, Япониядан жана Борбор Азиядан ЖОЖдор кирген. Жыйыны эки жыл сайын ар кайсы мамлекеттерде өтүп келүүдө. Анын алдында ошол эле өлкөдө 6-8 ай мурун студенттик форум өтүү талабы бар. Мына ошол студенттик форум Алтайда, экинчиси Кыргызстанда жана башка өлкөлөрдө болгон. Быйыл сентябрь айында ушул форумдун бешинчиси кайра Кыргызстанда өттү. Аны уюштурууга Россиянын Билим берүү министрлиги, "Россотрудничество" жана демөөрчүлөр көмөктөштү. Бул студенттик форумдун мааниси абдан чоң. Форумда баяндамалар беш секцияга бөлүнүп, "Чек арасыз билим берүү: пандемиянын сабактары жана жаңы мүмкүнчүлүктөр", "21-кылымдагы санариптештирүүнүн жүрүшү студенттердин көз карашы менен", "Маданий карым-катнаштар: салтуу жана заманбап маданияттын айкалышы", анан албетте, "экотуризм" талкууланды", — деди Тиллебаев.
Проректор студенттик форумдун алкагында маданий, көңүл ачуучу иш-чаралар дагы уюштурулганын кошумчалады.
Подкастты толугу менен видеодон көрө аласыз:
