Нарындын мэри Болотбеков сыртка чыкпоо тил каты менен бошотулду

© Фото / Ринат ШамсутдиновНарын шаарынын мэри Самарбек Болотбеков. Архив
Нарын шаарынын мэри Самарбек Болотбеков. Архив - Sputnik Кыргызстан, 1920, 21.09.2021
Жазылуу
НовостиTelegram
Шаар башчысы 2020-жылы өткөн парламенттик шайлоо маалында коррупциялык иштерге аралашкан деп шектелүүдө.

БИШКЕК, 21-сен. — Sputnik. Нарын шаарынын мэри Самарбек Болотбеков сыртка чыкпоо тил катынын негизинде бошотулду. Бул тууралуу Биринчи май райондук сотунун маалымат кызматы билдирди.

Мындай чечим кечээ, 20-сентябрда, чыккан. Болотбеков шайлоодогу коррупциялык иштерге аралашкан деп шектелүүдө.

Өкмөттүн Чүй облусундагы мурдагы өкүлү Туйгунаалы Абдраимов. Архив - Sputnik Кыргызстан, 1920, 21.09.2021
Туйгунаалы Абдраимов тергөөгө келип туруу милдеттемесин алып сурактан чыкты
УКМК былтыркы парламенттик шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Руслан Чойбековду 16-сентябрда кармаган. Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылып, Чойбеков тергөө абагына киргизилген.

Ал эми 18-сентябрда аталган кылмышка катыштыгы бар деген шек менен шайлоодо "Кыргызстан" партиясынан талапкер болгон, учурда Нарындын мэри Самарбек Болотбеков кармалган болчу.

Жаңылыктар түрмөгү
0