"Элиткалар" кымбаттады. Бишкектеги батирлердин августтагы ижара акысы

Жазылуу
Август айында Бишкекте элиталык турак жайлардын ижара акысы кымбаттады. Бул арада башка батирлердин ижара акысы ар кандай болуп өзгөрдү.

Sputnik Кыргызстан ай сайын ачык маалыматтар аркылуу баш калаадагы батирлердин ижара акысына көзөмөл жүргүзүп, мурдагы айлардагы баалар менен салыштырат.

Бул материалды даярдоодо 697 жарыя каралды. Августта буга чейинки айлардай эле биз эмеректери менен берилүүчү батирлерди жана мейманкана тибиндеги турак жайларды иликтөөгө алдык.

Эмеректери бар бардык эле "элиталык" батирлердин ижара акысы жогорулаган. Мындай категориядагы эки бөлмөлүү батирдин ижара акысы орточо 6 500 сомго, ал эми үч бөлмөлүү 5 000 сомго кымбаттаган.

Куруучулар. Архив - Sputnik Кыргызстан, 1920, 14.08.2021
Кыргызстанда эң маанилүү курулуш материалдары канчага кымбаттаганы айтылды
Бир бөлмөлүү батирдин бардык эле түрүнүн акчасы көбөйгөн. 106-сериядагы батирге мурдагыдан орточо алганда 1 200 сомго көп төлөнүүдө. Ал эми 104-сериядагы үч бөлмөлүү батирдин арендасы 1 100 сомго өскөн.

Жекече (индивидуалдуу) типтеги эки бөлмөлүү батирдин ижара акысы бул айда орточо 2 800 сомго өстү.

Окурмандардын ыңгайы үчүн түрдүү типтеги бир, эки жана үч бөлмөлүү батирлердин (104, 105, 106-серия, "элитка", жекече тип жана мейманкана тибиндеги) орточо баасынын диапазонун көрсөтүп бердик.

Ачык маалымат булактарына караганда, август айында Бишкектеги эмереги бар бир бөлмөлүү батирлердин ижара акысы төмөнкүдөй болду:

  • 104-серия — 15 200 сом (13 000ден 17 000ге чейин);
  • 105-серия — 15 000 сом (13 000ден 20 000ге чейин);
  • 106-серия — 15 000 сом (12 000ден 18 000ге чейин);
  • жекече типтеги — 15 700 сом (11 000ден 20 000ге чейин);
  • "элиткалар" — 24 300 сом (14 000ден 42 300гө чейин);
  • мейманкана тибиндеги — 7 100 сом (6 000ден 9 000ге чейин).

Эмереги бар эки бөлмөлүү батирлердин орточо ижара акысы:

  • 104-серия — 17 800 сом (14 000ден 22 000ге чейин);
  • 105-серия — 17 300 сом (14 000ден 29 600гө чейин);
  • 106-серия — 19 900 сом (15 000ден 25 000ге чейин);
  • жекече типтеги — 24 800 сом (18 000ден 38 100гө чейин);
  • "элиткалар" — 42 900 сом (22 000ден 101 600гө чейин).

Эмереги бар үч бөлмөлүү батирлердин орточо ижара акысы:

  • 104-серия — 21 900 сом (15 000ден 29 600гө чейин);
  • 105-серия — 27 000 сом (17 000ден 42 300гө чейин);
  • 106-серия — 26 700 сом (14 000ден 40 000ге чейин);
  • жекече типтеги — 29 300 сом (20 000ден 42 300гө чейин);
  • "элиткалар" — 63 100 сом (20 000ден 152 500гө чейин).
Жаңылыктар түрмөгү
0