БИШКЕК, 22-авг. — Sputnik. "Талибан"* кыймылы Герат провинциясында өкмөттүн армиясындагы 145 аскерди боштондукка чыгарды. Бул тууралуу Al-Jazeera телеканалына ишенимдүү маалымат булактар билдирген.
Буга чейин ЖМКлар Афганистандын айрым бийлик өкүлдөрүнүн туткунга алынганы же жоголгону белгисиз болуп жатканын кабарлашкан. Алардын ичинде өкмөттүк армиядагы аскерлер да бар болчу.
Афганистандагы кырдаал
16-августка караган түнү "Талибандын"* өкүлү Мухаммед Наим 20 жылга созулган согуш аяктаганын, жакында мамлекетте жаңы башкаруу формасы киргизилерин билдирди.
Ал арада Панджшер аймагы талибдерге каршылык көрсөткөнү айтылып, вице-президент Амрулла Салех өлкөнүн убактылуу президенти экенин билдиргени айтылды.
"Талибан"* — Кыргызстанда жана башка мамлекеттерде диний-экстремисттик уюм катары тыюу салынган кыймыл болуп саналат.
