БИШКЕК, 15-авг. — Sputnik. Учкучсуз учуучу аппараттардын системасын өндүрүү боюнча инвестициялык долбоорду ишке ашыруу максатында "Шумкар" транс улуттук корпорациясы" ачык акционердик коому түзүлдү. Тиешелүү токтом министрлер кабинети тарабынан кабыл алынган.
Документтин урунттуу учурлары:
- өлкөнүн мыйзамдарында белгиленген тартипте уставдык капиталында мамлекеттин 100 пайыздык катышуусу менен "Шумкар" транс улуттук корпорациясы" түзүлсүн;
- Инвестициялар министрлигине караштуу Мамлекеттик мүлктү башкаруу боюнча фонду миң акцияга бөлүнгөн 100 миң сом өлчөмүндөгү уставдык капиталын аныктап, уюштуруучу катары иш алып барат;
- аталган ААКтын уставын бекитип, каттоодон өткөрүү;
- ачык акционердик коомдун коммуналдык жана эксплуатациялык чыгымдарды төлөп, жайгаштыруу маселесин иштеп чыгуу;
- Экономика жана финансы министрлигине уставдык капиталды түзүүгө 100 миң сом бөлүүнү тапшыруу.
Бул токтомдун аткарылышын көзөмөлдөө президенттик администрациянын экономика жана финансы бөлүмүнө жүктөлгөн.
