БИШКЕК, 12-авг. — Sputnik. Борбор калаада капиталдык оңдоодон кийин эки көчө ачылганын муниципалеттин маалымат кызматы кабарлады.
Ага ылайык, Валдайская көчөсүнүн Курчатовдон Садырбаев көчөсүнө чейинки бөлүгү жана №4 кичи райондогу короонун ичиндеги көчө, Сүйөркуловдон №31, 32, 34 үйлөрдүн жанынан Безымянная көчөсүнө чейин ачылган.
Валдайская көчөсүнө эки катмар асфальт төшөлүп, бир жагына тротуар түшүп, экинчи тарабына ирригациялык система курулуп жана жол белгилери коюлган.
Ал эми №4 кичи райондогу короонун ичиндеги 4-5 метрлик көчөгө асфальт төшөлгөн.
Мэрияга караштуу "Бишкек асфальт сервис" муниципалдык ишканасынын тизмесине оңдоодон өтө турчу 27 көчө киргизилип, жети көчөнүн кесилиштеринде иш аяктады. Ошондой эле дагы 11 көчөдө иш уланууда.
