РФ министри: "Спутник V" дельта штаммына каршы 83%га чейин натыйжалуу деп табылды

© AFP / MANJUNATH KIRANСпутник V вакцинасы. Архив
Спутник V вакцинасы. Архив - Sputnik Кыргызстан, 1920, 11.08.2021
Жазылуу
Министр "Спутник V" вакцинасы коронавирустун оор формасынан 95 пайызга чейин коргой аларын белгилеген.

БИШКЕК, 11-авг. — Sputnik. Коронавируска каршы "Спутник V" вакцинасынын COVID-19дун "индиялык" штаммына каршы натыйжалуулугу 83 пайызга жетет. Бул тууралуу Россиянын саламаттык сактоо министри Михаил Мурашко билдиргенин РИА Новости жазды.

"Бүгүнкү күндө "Спутник V" вакцинасы коронавирустун "дельта" штаммы менен күрөшүүдө жакшы жыйынтык көрсөтүп жатат. Россиядагы акыркы жыйынтыктар аталган вакцинанын натыйжалуулугун 83 пайыз деп көрсөттү", — деди Мурашко.

Сабак учурунда беткапчан кыз. Архив - Sputnik Кыргызстан, 1920, 05.08.2021
COVID балдарга чабуул койду. Казакстандын түндүгүндө вирустун оор формасы күч алды
Министр вакцина коронавирустун оор формасынан 95 пайызга чейин коргой аларын белгилеген. Ал аталган вакцина эң натыйжалуу болуп кала берерин кошумчалады.

Коронавирустун "дельта" штаммы — мутация болгон түрлөрдүн бири. Алгач ал Индияда катталган. Адистердин айтымында, анын негизги өзгөчөлүгү — оорунун козгогучунун мурдагы түрлөрүнө караганда инкубациялык мезгилинин кыскалыгында. Мындан тышкары, ал бейтаптарда ашказан, ичеги-карындын иштешинин бузулушу сыяктуу белгилерди пайда кылып, тез жугат. Вирустун бул түрү 100дөй мамлекетте, анын ичинде Кыргызстанда да табылган.

Жаңылыктар түрмөгү
0