БИШКЕК, 28-июл. — Sputnik. Күрөш боюнча Кыргызстандын кыз-келиндер курама командасы Олимпиада-2020 мелдешине катышуу үчүн Токиого сапар алды. Бул тууралуу өлкөнүн Жаштар иши, дене тарбия жана спорт агенттиги кабарлады.
Посмотреть эту публикацию в Instagram
Команда курамында дүйнө чемпиону Айсулуу Тыныбекова (62 килограмм), Мээрим Жуманазарова (68 килограмм) жана Айпери Медет кызы (76 килограмм) бар.
Команданы башкы машыктыруучу Нурбек Изабеков менен ага-машыктыруучу Байгазы Кенжебаев коштоп кетишти.
Эске салсак, Олимпиада-2020 мелдешинде кыздар күрөшү боюнча мелдештер 1-августтан башталат. Кыргызстандан Айпери Медет кызы алгачкылардан болуп килемге чыгат.
