Этникалык кыргыздарга КР жарандыгын берүү тартиби жеңилдетилди

© Sputnik / Жоомарт УраимовКыргыз Республикасынын жарандарын биометрикалык паспорттары. Архив
Кыргыз Республикасынын жарандарын биометрикалык паспорттары. Архив - Sputnik Кыргызстан, 1920, 09.07.2021
Жазылуу
Мындай чечим этникалык кыргыздардын, анын ичинде кыргыз улутундагы жарандардын укуктук статусун жөнгө салуу максатында кабыл алынган.
БИШКЕК, 9-июл. — Sputnik. Президент Садыр Жапаров "Этностук кыргыздардын жана кыргыз улутундагы жарандыгы жок адамдардын КР жарандыгын алуусунун жөнөкөйлөштүрүлгөн тартиби жөнүндө убактылуу жобо тууралуу" жарлыкка кол койду.
Мындай чечим этностук кыргыздардын, анын ичинде Кыргызстандын аймагында жүргөн кыргыз улутундагы жарандыгы жок адамдардын укуктук статусун жөнгө салуу максатында кабыл алынганы айтылат.
Убактылуу жобонун колдонуу мөөнөтү 2022-жылдын 31-декабрына чейин белгиленген.
Жаңы үлгүдөгү жалпы жарандык паспорт. Архив - Sputnik Кыргызстан, 1920, 15.06.2021
Чет өлкөдөгү кыргызстандыктар жалпы жарандык паспортту элчиликтен ала алат
Мамлекеттик органдар жана жергиликтүү өз алдынча башкаруу органдарына жарлыкта жүктөлгөн ыйгарым укуктарды талаптагыдай аткаруу, жасалган иштер жөнүндө маалыматты президенттик администрациянын жарандык боюнча комиссиясынын катчылыгына ай сайын берип туруу тапшырылды.
Жободо жеңилдетилген тартипте жарандык алууга керектүү документтер жана бийликтин аракеттери көрсөтүлгөн. Документ менен президенттин сайтынан тааныша аласыздар. 
Жаңылыктар түрмөгү
0