Ахметов: 2019-жылы юридикалык академия университет болуп өзгөргөн
09:58 02.07.2021 (Жаңыртылды: 14:27 14.12.2021)
© Sputnik / Асель Сыдыкова
Жазылуу
Кыргыз мамлекеттик юридикалык университетинин Тергөө криминалистика институтунун директору Мирдин Ахметов 2019-жылы академия университет болуп өзгөргөнүн айтты.
Мурда юридикалык окуу жайга мамлекеттик, жогорку кызматтарда иштеш үчүн окушса, азыр прогматикалык жакка өтүп баратабыз. Бул тууралуу Мирдин Ахметов Sputnik Кыргызстан радиосунун эфиринде маек куруп жатып билдирди.
Ахметов: 2019-жылы юридикалык академия университет болуп өзгөргөн
Анын айтымында, кибер кылмышка каршы күрөшүү үчүн юридикалык университетте IT академия ачылган.
"2003-жылы республиканын илимий потенциалын топтоо жолу менен юриспруденция тармагында билим алууну уюштуруу жана ишке ашыруунун сапатын жогорулатуу максатында Кыргыз мамлекеттик юридикалык академиясы түзүлгөн. Андан бери коомдогу талаптар алмашып, 2019-жылы академия университет болуп өзгөрүп, юридикалык багытка жакын башка дагы адистерди даярдоо мүмкүнчүлүгү түзүлдү. Учурда окуу жайда бакалавр, специалитет, үзгүлтүксүз билим берүү системасында билим берилет. Мурда юридикалык окуу жайга мамлекеттик, жогорку кызматтарда иштеш үчүн окушса, азыр прогматикалык жакка өтүп баратабыз. Юрист кесибине тапшырып жаткан балдар мурдагыдай эле адам укугун коргоо максатында жана билимин жеке турмушунда колдонуу үчүн келишүүдө. Айрым башка кесиптин ээлери экинчи билимин ушул жаатта алып жатат. Окуу жай университет болгондон бери юриспруденция менен бирге IT академия ачылган. Бул адистер кибер кылмышка каршы иштешет", — деди Ахмедов.
Ал учурда адвокат, прокурор, сот жана башка адистиктер өз-өзүнчө окутулуп, даярдалып жатканын кошумчалады.
Подкасттын толук версиясын видеодон көрүңүз:
