Министрлик: кыргыз-тажик чек арасында жабыркагандарга кан берсе болот

© Sputnik / Евгений Одиноков / Медиабанкка өтүүКиши кан тапшыруу учурунда. Архив
Киши кан тапшыруу учурунда. Архив - Sputnik Кыргызстан, 1920, 30.04.2021
Жазылуу
Бишкекте Баткенге керек болчу дары-дармек жана таңуучу материалдардын тизмеси түзүлүп, каражаттар даярдалып жатат.
БИШКЕК, 30-апр. — Sputnik. Баткенде кыргыз-тажик чек арасында жабыркагандар үчүн кан берүүнү каалагандар Бишкектеги Кан борборуна кайрылса болот. Бул тууралуу брифинг учурунда саламаттык сактоо жана социалдык өнүктүрүү министринин биринчи орун басары Ализа Солтонбекова билдирди.
"Дары-дармек, кан жана кан компоненттерди азыр жетиштүү. Бирок жабырлануучулар үчүн кан беребиз дегендер Кан борборуна кайрылса болот", — деди Солтонбекова.
Ошондой эле Бишкекте Баткенге керек болчу дары-дармек жана таңуучу материалдардын тизмеси түзүлүп, каражаттар даярдалып жатканы айтылды.

Баткендеги чек ара чыры

Баткенде 28-апрель күнү кечинде чыккан чыр түнү менен күчөп отуруп, эртеси да уланган. Эки тарап бири-бирин көздөй ок атып, алгач бир, анан экөө, акыркы маалымат боюнча 13 кыргызстандык каза болду. Алардын арасында 13 жашар кыз бар экени айтылган. Жабыркаган 121 адамдын 25и Баткенден Бишкекке атайын борт менен алып келинип, ооруканаларда дарыланып жатышат.
БУУнун башкы кеңсесиндеги желек. Архив - Sputnik Кыргызстан, 1920, 30.04.2021
БУУ кыргыз-тажик чек арасындагы кырдаал боюнча үн катты
Кыргызстан менен Тажикстандын ортосунда бардык деңгээлде сүйлөшүүлөр жүрүп, тараптар бир пикирге келүүдө. Бирок буга карабастан ок атуу токтой электиги айтылып келет.
Бир нече айылдын тургундары үй-жайын таштап, аймактан чыгып кетүүгө аргасыз болгон.
Бүгүн эртең менен Ички иштер министрлиги чыр чыккан аймакта абал туруктуу экенин, кырдаал көзөмөлдөнүп жатканын билдирди.
Учурда аймакта кырдаал кандай болуп жатканын Sputnik Кыргызстан агенттигинин тексттик трансляциясынан көрө аласыздар.
Жаңылыктар түрмөгү
0