Шымы шыпырылганына карабай... Жүргүнчүлөрдүн мушташкан видеосу
09:06 28.04.2021 (Жаңыртылды: 14:27 14.12.2021)
© AP Photo / Lynne Sladky
Жазылуу
Төрт жүргүнчү Чикагого кетем деп отурган. Бирок авиакомпаниянын кызматкери үч эле орун бар экенин айтып, кийинки учакты күтүүнү же үч кишинин кете беришин айткан.
БИШКЕК, 28-апр. — Sputnik. Американын Майами шаарында учакка орун таппай калган жүргүнчүлөр аэропортто массалык мушташ чыгарган. Бул тууралуу CBS Chicago басылмасы жазды.
Today at Miami International Airport outside Urban Decay at Gate D14 #BecauseMiami pic.twitter.com/wRnXh8f7dS
— Billy Corben (@BillyCorben) April 25, 2021
Порталдын жазганына караганда, окуя 25-апрелде болгон. Төрт жүргүнчү American Airlines компаниясынын каттамы аркылуу Чикагого кетем деп отурган. Бирок авиакомпаниянын кызматкери үч эле орун бар экенин айтып, кийинки учакты күтүүнү же үч кишинин кете берүүсүн айткан.
@iflymia and the police never arrived. Fight at the gate at Miami International Airport pic.twitter.com/aQ2bpyf5BP
— Maria (@Solecito2807) April 25, 2021
Кийин милициянын билдиришинче, төрт кишиден турган белгисиз топ берки үч саякатчы менен мушташа кеткен.
Окуянын күбөлөрү тарткан видеодон жети кишинин бири-бирин койгулап, кээси эки-экиден болуп урушуп, жерге жыгылгандарын башкалары тепкилеп жатканын көрүүгө болот. Башка жүргүнчүлөр аларды ажыратууга аракет кылышкан.
Ал эми алардын бир катарлары шымы шыпырылганына карабай мушташканы кадрга түшүп калган.
Went down at gate #D12 / #D14 at the counters for #AA438 bound for #ChicagoOHare.. thanks to the brave man on his way to D1 and tiny woman on her woman on her way to Italy via JFK, jumping in, trying to break up these flights #inspired .. #MIA #MiamiAirport #miami @miamiairports pic.twitter.com/PrbFBsWoyh
— Supy (@supytauthong) April 25, 2021
Жабыркагандар сабап кеткендерге карата арызданган эмес. Тартип коргоочулар бир кишини кармап, качып кеткен берки үчөөнү издеп жатканы айтылды.
