Жаңы Конституция кабыл алынса эң төмөнкү пенсия, жөлөк пул 5000 сом болот

© Sputnik / Жоомарт УраимовАкча кармап турган адам. Архив
Акча кармап турган адам. Архив - Sputnik Кыргызстан, 1920, 11.03.2021
Жазылуу
Жашоо минимуму канча деп белгиленсе, мамлекет ошодон кем эмес пенсия, пособие берүүгө милдеттендирилет.
БИШКЕК, 11-мар. — Sputnik. Жаңы Конституция кабыл алынса, 2023-жылдан тарта эң төмөнкү пенсия жана пособие 5000 сомдон кем болбойт.
Референдумга сунушталган Баш мыйзамдын 44-беренесинин 2-бөлүмүндө "Пенсиялар, социалдык жөлөк пул жана башка социалдык жардам мыйзамда белгиленген жашоо минимумунан кем эмес жашоо деңгээлин камсыз кылууга тийиш" деп жазылган. Бул мыйзам 2023-жылдын 1-январынан тартып күчүнө кирери белгиленген.
Премьер-министрликке көрсөтүлүп жаткан Улукбек Марипов - Sputnik Кыргызстан, 1920, 03.02.2021
Марипов: бир айда 5 600 сомго деле жашаса болот, бирок өтө кыйын
Демек, Конституция кабыл алынса, 2023-жылы жашоо минимуму канча деп белгиленсе, мамлекет жарандарга андан кем эмес пенсия, пособие берүүгө милдеттендирилет.
Эске салсак, 2020-жылы Кыргызстанда жашоо минимуму 5359 сомду түздү. Ал эми пенсионерлердики 4785 сом, 17 жашка чейинки балдардыкы 4015 сомдон 5139 сомго чейин. Бул ушунча каражат менен бир адам бир ай жанын бага алат дегенди түшүндүрөт.
Жаңылыктар түрмөгү
0
Алгач жаңыларыАлгач эскилери
loader