Марипов: бир айда 5 600 сомго деле жашаса болот, бирок өтө кыйын

© Фото / пресс-служба ЖКПремьер-министрликке көрсөтүлүп жаткан Улукбек Марипов
Премьер-министрликке көрсөтүлүп жаткан Улукбек Марипов - Sputnik Кыргызстан, 1920, 03.02.2021
Жазылуу
Yandex newsTelegram
Ушу тапта Жогорку Кеңештин депутаттары өкмөттүн жаңы курамын карап, премьерге талапкер Улукбек Мариповго суроо берип жатышат.
БИШКЕК, 3-фев. — Sputnik. Кыргызстанда бир айда 5 600 сомго деле жашаса болот, бирок, чындыгында, өтө кыйын. Бул тууралуу депутаттардын суроолоруна жооп берип жатып премьер-министрликке көрсөтүлүп жаткан Улукбек Марипов билдирди.
Ага депутат Дастан Бекешев "жашоо минимуму болгон 5 600 сомго жашап көрө аласызбы?" деп суроо узаткан.
"Дастан Далабаевич, 5 600 сомго деле жашаса болот, бирок, чындыгында, өтө оор. Сурооңуздун түпкүрүн түшүнүп турам, эң төмөнкү көрсөткүчтү айтып жатасыз", — деди Марипов.
Депутат талапкерден жашоо минимумунда көрсөтүлгөн каражатка жашоого болот деп өкмөт эмнеге элди алдап жатканына да кызыкты.
Премьер-министрликке талапкер Улукбек Марипов - Sputnik Кыргызстан, 1920, 03.02.2021
Марипов: биздикилер Грузиянын тажрыйбасын үйрөнөбүз деп бара берип тажатыптыр
Марипов, мындан тышкары, суроолорго жооп берип жатып, айлык акы, пенсия жана жөлөк пул өндүрүштүн иштеши үчүн тоскоолдуктар жоюлганда, орто бизнес колдоого алынганда, экспорттун потенциалы жогорулап, айрым товарлардын импорту төмөндөгөндө көбөйтүлө турганын айтып берди.
Эскерте кетсек, ушу тапта Жогорку Кеңеш өкмөттүн структурасы менен курамын карап жатат.
Жаңылыктар түрмөгү
0