Радиостудия Sputnik Кыргызстан в Бишкеке - Sputnik Кыргызстан, 1920
Радио

Үсөнов: прозаиктер пиар жагынан аксап калууда

© Sputnik / Табылды КадырбековПрозаик, драматург, киносценарист Токтобек Үсөнов
Прозаик, драматург, киносценарист Токтобек Үсөнов - Sputnik Кыргызстан, 1920, 04.03.2021
Жазылуу
Прозаик, драматург, киносценарист Токтобек Үсөнов өлкөдө проза жаатында жаңы калемгерлердин ысымдары элге таанылбай калып жатканынын себебин айтып берди.
Жаш акындардын тез эле элдин оозуна алынып кетүүсүнө пиар түрткү болду. Тилекке каршы, прозаиктер бул жагынан аксап калууда. Мындай пикирин Токтобек Үсөнов Sputnik Кыргызстан радиосуна маек куруп жатып белгиледи.
Үсөнов: прозаиктер пиар жагынан аксап калууда
Анын айтымында, учурда проза жазган жаш калемгерлер деле көп.
"Техниканын өнүгүп жаткан учурунда бир маалыматты бир нече булактан алууга мүмкүн. Анын ичинен таанылыш үчүн пиар дегенди колдонуу зарыл. Жаш акындар аны жакшы колдонуп, элдин оозуна алынышты. Эл Акбар Кубанычбеков, Бердибек Жамгырчиев, Садырбек Турдубек уулу деген акындар бар экенин билип, алардын ырларын окуп, сын жазып, талкууга алышты. Прозада ушундай ысымдардын чыкпай жатканынын себеби — прозалык чыгарма көлөмдүү. Ырдай кылып социалдык тармактарга жарыялай албайсың. Анткени ал чоң чыгарма, кыскача видео же текст кылып социалдык тармакка чыгаруу мүмкүн эмес. Анын үстүнө акындарга жеңил, себеби поэзия — бул сезимдерди ырга салуу. Ошол сезимди жазып, аны видео кылып окуп социалдык тармактарга жүктөп койсо, элге тарай берет. Прозаиктер дагы санариптик мүмкүнчүлүктөрдү колдонуу жолдорун табуусу зарыл", — деди Үсөнов.
Жазмакер учурда окурмандар кыска чыгармаларга көнүп алганын кошумчалады.
Жаңылыктар түрмөгү
0