Чек ара кызматы УКМКга өттү, директорго кандай укук берилет? Өкмөттүн жобосу

© AFP 2021 / NIKOLAY DOYCHINOVЧек ара кызматкери. Архив
Чек ара кызматкери. Архив - Sputnik Кыргызстан, 1920, 01.02.2021
Жазылуу
Жаңы жобого ылайык, Чек ара кызматын УКМК төрагасынын биринчи орун басары болуп саналган директор жетектейт.
БИШКЕК, 1-фев. — Sputnik. Өкмөт УКМКнын курамына киргизилген Чек ара кызматынын жаңы жобосун иштеп чыкты.
Тиешелүү токтомго премьер-министрдин милдетин аткаруучу Артём Новиков кол койгон.
Бул мамлекеттик чек араны кайтаруучу, чек ара коопсуздугун камсыздоочу жана чек ара саясатын жүзөгө ашырууга жооптуу жана ыйгарым укуктуу орган болуп саналат.
Ал эми кызматтын жетекчиси мурдагыдай "төрага" эмес, "директор" деп аталат.
Жободо көрсөтүлгөн директордун ыйгарым укуктары төмөндөгүдөй:
  • Чек ара кызматын УКМК төрагасынын биринчи орун басары болуп саналган директор жетектейт. Ал УКМК төрагасынын сунуштамасы менен президент тарабынан кызматка дайындалат жана бошотулат;
  • Чек ара кызматынын директорунун үч орун басары болот. Анын ичинен биринчи орун басары — Башкы штабдын башчысы. Ал дагы УКМК төрагасынын сунуштамасы менен президент тарабынан кызматка дайындалат жана бошотулат. Башка орун басарларын директор сунуштап, УКМК төрагасы дайындайт жана бошотот;
  • директор Чек ара кызматынын бүтүндөй өздүк курамынын жана ага баш ийген кошуундардын, аскер бөлүктөрүнүн жана мекемелердин түздөн-түз башчысы болот;
  • мамлекеттик чек ара саясаты чөйрөсүндөгү маанилүү маселелерди кароо үчүн Чек ара кызматында директор жетектеген коллегия түзүлөт. Коллегиянын мүчөлөрүнүн санын жана ал жөнүндө жобону УКМКнын төрагасы бекитет.
Чек ара кызматы туурасында жобо менен кененирээк өкмөттүн сайтынан тааныша аласыздар.
Белгилей кетсек, Мамлекеттик чек ара кызматы өткөн жылдын 14-ноябрында УКМКнын курамына киргизилген.
Жаңылыктар түрмөгү
0
Алгач жаңыларыАлгач эскилери
loader