Медакадемиянын профессору мээсинде чоң шишиги бар 3 бейтапка операция жасады

© SputnikПрофессор кафедры нейрохирургии КГМА им. И. К. Ахунбаева, доктор медицинских наук Кенешбек Ырысов
Профессор кафедры нейрохирургии КГМА им. И. К. Ахунбаева, доктор медицинских наук Кенешбек Ырысов - Sputnik Кыргызстан
Жазылуу
Оор делген операция Ош облустар аралык биргелешкен клиникалык ооруканасынын нейрохирургия бөлүмүндө жасалган.
БИШКЕК, 23-янв. — Sputnik. Кыргыз мамлекеттик медициналык академиясынын (КММА) проректору, профессор-нейрохирург Кеңешбек Ырысов мээсинде өтө чоң шишиги бар бейтаптарга оор операция жасады. Бул тууралуу КММАнын маалымат кызматы кабарлады. 
Билдирүүгө ылайык, ал 15-16-январь күндөрү санитардык авиация линиясы боюнча Ош облустар аралык биргелешкен клиникалык ооруканасынын нейрохирургия бөлүмүндө мээсинде чоң шишиги бар үч бейтапка операция жасаган.
"Операция ийгиликтүү өттү. Бейтаптар өзүнө келгенден кийин неврологиялык мүчүлүштүктөр жана операциянын кесепети тийген кандайдыр бир оорулар байкалган эмес", — деп айтылат маалыматта.
Аталган оорукананын Нейрохирургия бөлүмүнүн башчысы Улан Каримов профессор Кеңешбек Ырысовдун буга чейин да нейрохирургдарга консультация берип, практика жүзүндө көрсөтүп оор операцияларды жасап келгенин белгилеп, ыраазычылык билдирген. Бул бир чети бейтаптар үчүн жардам болсо, экинчи жагынан дарыгерлерди окутууга чоң салым болгонун айткан.
Жаңылыктар түрмөгү
0