https://sputnik.kg/20210105/sut-antibiotik-izildoo-1050998623.html
Бишкек менен эки облустагы сүттүн сапаты текшерилип, курамынан антибиотик чыкты
Бишкек менен эки облустагы сүттүн сапаты текшерилип, курамынан антибиотик чыкты
Sputnik Кыргызстан
Текшерүүнүн жыйынтыгы чыккандан кийин мал ээлерине жана ветеринарларга түшүндүрүү иштери жүргүзүлгөнү айтылды. 05.01.2021, Sputnik Кыргызстан
2021-01-05T14:11+0600
2021-01-05T14:11+0600
2021-12-14T14:27+0600
жаңылыктар
коом
кыргызстан
маалымат борбор
чийки зат
сүт
антибиотик
изилдөө
https://sputnik.kg/img/103372/26/1033722623_0:269:3015:1964_1920x0_80_0_0_8cdd5f0cea09741c0abfd8bb89d26b9b.jpg
БИШКЕК, 5-янв. — Sputnik. Чийки сүттөгү антибиотикке карата жүргүзүлгөн изилдөөнүн жыйынтыгы кандай болгонун өкмөткө караштуу Ветеринардык жана фитосанитардык коопсуздук мамлекеттик инспекциясынын мамлекеттик ветеринардык көзөмөл башкармалыгынын башкы инспектору Мира Искембаева билдирди. Ал Sputnik Кыргызстандын мультимедиалык маалымат борборунда өткөн брифингге катышкан.Искембаеванын айтымында, мамлекеттик инспекция ушундай эле изилдөө жүргүзгөн жарандын арызын карап чыгып, бирок ал изилдөөгө текшерүүнү тастыктоочу протоколун тиркеген эмес.Ал антибиотик чыккан 17 үлгү кайсы аймактардан экенин да ачыктады.Искембаева үлгүлөр сүт чогулткан адамдардын ар биринен алынгандыгын, анткени аларда мал ээлеринин тизмеси бар экендигин баса белгиледи."Мал ээлери жана ветеринарларга түшүндүрүү иштери жүргүзүлдү. Антибиотиктерди пайдалануунун алдында алар анын колдонуу жолун өздөштүрүүсү зарыл. Ветеринардык дарыканаларга да эскертүү берилди", — деди Искембаева.Ал арада Ветеринардык жана фитосанитардык коопсуздук мамлекеттик инспекциясынын мамлекеттик ветеринардык көзөмөл башкармалыгынын башчысы Төлөн Ырсалиев бир нече жыл мурдагы көрсөткүч мындан начар болгонун белгиледи.Анын айтымында, инспекция бул көйгөй боюнча активдүү иш алып барып жатат.Ал ошондой эле бул иште инспекцияга мамлекеттин да, элдин да көмөгү зарыл экенин белгиледи.
https://sputnik.kg/20201025/mal-baguunun-syrlary-tuuraluu-1050196997.html
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, коом, кыргызстан, чийки зат, сүт, антибиотик, изилдөө
жаңылыктар, коом, кыргызстан, чийки зат, сүт, антибиотик, изилдөө
Бишкек менен эки облустагы сүттүн сапаты текшерилип, курамынан антибиотик чыкты
14:11 05.01.2021 (Жаңыртылды: 14:27 14.12.2021) Текшерүүнүн жыйынтыгы чыккандан кийин мал ээлерине жана ветеринарларга түшүндүрүү иштери жүргүзүлгөнү айтылды.
БИШКЕК, 5-янв. — Sputnik. Чийки сүттөгү антибиотикке карата жүргүзүлгөн изилдөөнүн жыйынтыгы кандай болгонун өкмөткө караштуу Ветеринардык жана фитосанитардык коопсуздук мамлекеттик инспекциясынын мамлекеттик ветеринардык көзөмөл башкармалыгынын башкы инспектору Мира Искембаева билдирди. Ал Sputnik Кыргызстандын мультимедиалык маалымат борборунда өткөн брифингге катышкан.
Искембаеванын айтымында, мамлекеттик инспекция ушундай эле изилдөө жүргүзгөн жарандын арызын карап чыгып, бирок ал изилдөөгө текшерүүнү тастыктоочу протоколун тиркеген эмес.
"Чийки сүттөн 90 үлгү алынган. Ар бир үлгү өзүнчө сүт жыйноочу болуп саналат. Анын ичинен Бишкек боюнча жети жерден, Талас облусунан 20 үлгү, калганы Чүй облусунан болду. Жалпысынан пенициллин, тетрациклин, левомицетин жана стрептомицин антибиотиктерине карата 360 изилдөө жүргөн. Анын жыйынтыгында 17 үлгүдө аталган заттар бар болуп чыкты", — деди Искембаева.
Ал антибиотик чыккан 17 үлгү кайсы аймактардан экенин да ачыктады.
"Текшерүүдө оң натыйжа берген 17 үлгүнүн экөө Бишкек шаарынан катталды, Таластан да экөө, ал эми Чүй облусунан 13 үлгүдөн чыккан (анын алтоо Ысык-Ата районунан)", — деп белгиледи ал.
Искембаева үлгүлөр сүт чогулткан адамдардын ар биринен алынгандыгын, анткени аларда мал ээлеринин тизмеси бар экендигин баса белгиледи.
25 Тогуздун айы 2020, 18:13
"Мал ээлери жана ветеринарларга түшүндүрүү иштери жүргүзүлдү. Антибиотиктерди пайдалануунун алдында алар анын колдонуу жолун өздөштүрүүсү зарыл. Ветеринардык дарыканаларга да эскертүү берилди", — деди Искембаева.
Ал арада Ветеринардык жана фитосанитардык коопсуздук мамлекеттик инспекциясынын мамлекеттик ветеринардык көзөмөл башкармалыгынын башчысы Төлөн Ырсалиев бир нече жыл мурдагы көрсөткүч мындан начар болгонун белгиледи.
Анын айтымында, инспекция бул көйгөй боюнча активдүү иш алып барып жатат.
"Азыркы учурда 17 үлгү оң натыйжаны көрсөтсө, бир канча жыл илгери бул көрсөткүч 40ка жеткен, керек болсо 60ка чыккан учурлар болгон. Антибиотиктер чыккан учурлар сээлдеп калды. Анткени бул багытта биз иш жүргүзүп жатабыз. Бирок акыркы жыйынтык кооптуу тенденцияны билдирет, биз бул заттардын сүттө таптакыр жок болушу үчүн аракет кылышыбыз керек", — деди Ырсалиев.
Ал ошондой эле бул иште инспекцияга мамлекеттин да, элдин да көмөгү зарыл экенин белгиледи.
