БИШКЕК, 28-дек. — Sputnik. WhatsApp мессенджери 2021-жылдын 1-январынан тарта айрым смартфондордо иштебей калат. Бул тууралуу Mirror жазды.
Колдонуучулар iOS 9 же Android 4.0.3 операциялык системаларын жаңы жылга чейин жаңылабаса тиркеме иштебей калат. Биринчи кезекте iPhone 4 жана башка мурдагы моделдеги аппараттарга тийиштүү.
iPhone 4S, iPhone 5, iPhone 5S, iPhone 5C, iPhone 6 же iPhone 6S смартфондорунда WhatsApp кайра иштеши үчүн iOS 9 программалык камсыздоосун жаңылоо зарыл.
Мындан сырткары, керектүү маалыматтарды жоготуп албаш үчүн жазышкан каттардын резервдик копиясын жасап коюу сунушталды.
