БИШКЕК, 15-дек. — Sputnik. Дарыгер жана алып баруучу Александр Мясников "Россия 1" телеканалынын эфиринде безетки, ысыктарды сыкпоого чакырды. Себеби анын кесепети өтө оор болуп калышы ыктымал. Бул тууралуу РИА Новости жазды.
Дарыгер эфирде композитор Александр Скрябиндин тагдырын эске салган. Медиктин айтымында, ал 43 жашында үстүңкү эринине чыккан безеткини сыгып салып, сепсис болуп кеткен. Ошондон кийин композитор бир жумага жетпей көз жумган.
"Элдин 30 пайызы алтын түстүү стафилококкту алып жүрүүчүлөр. Ал майда тешиктерде деле уктап жата берет", — деген адис.
Дарыгердин айтымында, азыр адамдардын басымдуу бөлүгү антибиотик колдонгондуктан, безеткини сыгуу өлүмгө алып келиши ыктымал. Организм антибиотикке көнгөндөн кийин күчтүү дары-дармектер дагы сепсисти тоготпой калышы мүмкүн. Ошентип ал өлүмгө жеткирет.
