БИШКЕК, 11-дек. — Sputnik. Президенттин милдетин аткаруучу Талант Мамытов Жогорку Евразиялык экономикалык кеңештин (ЖЕЭК) видеоконференция форматындагы жыйынына катышат. Бул тууралуу өлкө башчынын маалымат кызматынан билдиришти.
Иш-чара бүгүн, 11-декабрга, белгиленген.
Беларусь президенти Александр Лукашенконун төрагалыгы астында өтө турган бул жыйында евразиялык экономикалык интеграцияны өнүктүрүүнүн стратегиялык багыттары, уюмдун 2021-жылга карата эл аралык ишмердигинин негизги багыттары, интеграциялык процесстин актуалдуу маселелери талкууланат.
Ошондой эле ЕАЭБге байкоочу-мамлекеттердин макамын Куба менен Өзбекстан Республикасына берүү маселеси да каралат.
Кезектеги жыйындын соңунда бир катар чечимдер кабыл алынмакчы.