Сурабалдиева: бейтаптарга жайында курамы текшерилбеген кытай дарылары берилген

© Пресс-служба правительства / Алишер АлиевВице-премьер Эльвира Сурабалдиева
Вице-премьер Эльвира Сурабалдиева - Sputnik Кыргызстан
Жазылуу
Вице-премьер Саламаттык сактоо министрлигинин жооптуу кызматкерлери тартиптик жоопкерчиликке тартыларын белгиледи.

БИШКЕК, 2-дек. — Sputnik. Вице-премьер Эльвира Сурабалдиева Бишкек шаарындагы бейтапканалардын дарыгерлери жайында вируска каршы кытай таблеткаларын тараткандыгы кооптондуруп жатканын айтты.

Белгилей кетсек, Сурабалдиева бүгүн Республикалык ыкчам штабдын кезектеги жыйынын өткөрдү.

"Бишкек шаарындагы бейтапканалардын дарыгерлери жайында вируска каршы кытай таблеткаларын тараткандыгы кооптондурат. Эмне себептен тийиштүү текшерүүлөрдү өткөрбөстөн, бул дармектер медициналык мекемелерге багытталган? Алардын курамын, сертификатын эч ким текшерген эмес. Бирок аларды пандемия учурунда иммунитети алсызданган жарандарга беришкен", — деди Сурабалдиева.

Ал мындай учурлар үчүн Саламаттык сактоо министрлигинин жооптуу өкүлдөрү тартиптик жоопкерчиликке тартыларын белгиледи.

Жаңылыктар түрмөгү
0