БИШКЕК, 26-ноя. — Sputnik. Өткөн суткада коронавирустан алты адам каза тапты. Бул тууралуу Республикалык штаб маалымдады.
Билдирмеге караганда, каза болгондордун бешөө Бишкек шаарынан, бири Ош облусунан болгон. Ошону менен көз жумгандардын жалпы саны 1 251ге жетти.
Азыркы тапта ооруканада 2 861 бейтап дарыланып жатат. Анын ичинен 115 бейтаптын абалы өтө оор деп бааланды.
Ооруканада жаткандар:
- 56 — канааттандырарлык абалда;
- 1 905 — орточо оор;
- 785 — оор;
- 115 — өтө оор.
Ал эми 3 832 бейтаптын медициналык жардамды үйлөрүнөн алып жатканы маалым болду.