БИШКЕК, 23-ноя. — Sputnik. Кыргызстанда бир сутканын аралыгында алты адам коронавирустан көз жумду. Бул туурасында Республикалык штабдан билдиришти.
COVID-19 илдетинен каза тапкандар Бишкек менен Чүйдө экиден, Талас менен Ош облустарында бирден катталган.
Ушуну менен өлкөдө коронавирустан ажал тапкандардын саны 1 237 адамга жетти.
Ал эми 3 096 бейтап ооруканада дарыланып жатканы айтылат.
- Канааттандырарлык абалда — 65 адам;
- Орточо оор абалда — 2 064;
- Оор абалда — 829;
- Өтө оор абалда — 138.
Мындан сырткары, үй шартында медиктердин көзөмөлүндө 3 648 адам дарыланууда.
Ал эми бир суткада 304 киши вирус жуктуруп алганы аныкталса, дарыланып жаткан 349 адам айыгып, ооруканадан чыгарылды.
