БИШКЕК, 9-ноя. — Sputnik. Ар бир мамлекеттик орган алар менен өз деңгээлиндеги диалогду ачык жүргүзсө, инвесторлор Кыргызстанга келет. Бул туурасында премьер-министр Садыр Жапаров Нарын облусуна жумушчу сапар менен барган учурда айткан.
Өкмөттүн маалымат кызматынын билдиргенине караганда, Жапаров Нарын облусуна жумушчу сапарынын алкагында алгач шаардагы "Билим булагы" билим берүү комплексине барды.
Ошто Садыр Жапаров эмнеге миңдеген элди жыйнап жолугуп жатканын айтты
"Биз инвесторлор үчүн ачык болуп, алар үчүн эң ыңгайлуу шарттарды түзүшүбүз керек. Инвесторлор менен иштөөдө бюрократиялык тоскоолдуктарга, пара алууга жол берилбейт. Эгер ар бир мамлекеттик орган алар менен өз деңгээлиндеги диалогду ачык жүргүзсө, инвесторлор Кыргызстанга келет", - деген Жапаров ал жерге барганда сүйлөп жатып.
Жапаров комплексти карап чыгуу менен Билим берүү жана илим министрлигине жана Мамлекеттик мүлктү башкаруу боюнча фондго объектини мамлекеттик баланска өткөрүү боюнча чараларды кабыл алуу тапшырмасын берген.
Эске салсак, аталган билим берүү комплекси кайрымдуулук фонду тарабынан демөөрчүлөрдүн эсебинен жетим балдар үчүн курулган.
Бирок ар кыл бюрократиялык себептерден улам аны мамлекеттин балансына өткөрүп берүү мүмкүн болбогонун маалымат кызматы билдирди.
