БИШКЕК, 9-ноя. — Sputnik. Диний-экстремисттик "Хизб ут-Тахрир" уюмунун мүчөсү кармалгандыгын УКМКнын маалымат кызматынан кабарлашты.
Аны жашыруун иш алып барган уюмдардын ишмердүүлүгүн токтотуу боюнча жасалган иш-чаранын алкагында колго түшүрүшкөн.
Жүргүзүлгөн тергөөгө ылайык, ал Конституцияга каршы көз карашын ачык айтып, тыюу салынган уюмдун идея, принциптерин жайылткан.
Кыргызстанда ишмердигине тыюу салынган уюмдар. Тизме
Ага Жазык кодексинин 313-беренеси ("Расалык, этникалык, улуттук, диний жана аймактар аралык кастыкты козутуу") боюнча иш козголуп, соттук териштирүү иштери жүрүп жатат. Кармалган киши УКМКнын тергөө абагына киргизилген.
