БИШКЕК, 8-ноя. — Sputnik. 9-ноябрь, дүйшөмбүдө, эртең менен жана күндүз көпчүлүк аймактарда жаан, тоо этектеринде жана тоолуу райондордо кар жаайт. Жалал-Абад облусунун кээ бир райондорунда жаан-чачын катуу жаашы мүмкүн. Бул тууралуу Кыргызгидромет маалымдады.
Кар жаап, күн сууктайт. Бир жумага карата аба ырайы
Абанын температурасы Чүй облусунда +4...+9, Таласта +3...+8, Ош, Жалал-Абад жана Баткенде +8...+13 гардус, ал эми Ысык-Көл жана Нарын жергесинде +7...+12 градус болору айтылды.
Борбор калаада мезгил-мезгили менен жаан жаап, күндүн табы +4...+9 градуска жетсе, Ош шаарында күн ачык болуп +11...+13 градусту көрсөтүп турат.
