БИШКЕК, 20-окт. — Sputnik. Ош облусунун аймагында очогунда күчү 4,5 баллга жеткен жер титирөө катталды. Бул тууралуу ӨКМ Сейсмология институтунун маалыматына таянуу менен кабарлады.
Жаратылыш кырсыгы кечээ, 19-октябрь күнү, саат 16:17де болгон.
Жер титирөө Чоң Алай районунун Ачык-Суу, Жайылма айылдарында 2 балл, Кызыл-Эшме, Кара-Шыбак, Жар-Башы айылдарында 3 балл, Кашка-Суу айылында 4 баллга чейин сезилген.
Силкинүүдөн жабыркагандар жана кыйроолор катталган жок.
