БИШКЕК, 10-окт. – Sputnik. Вице-премьер Эркин Асрандиевди эске албаганда өкмөттүн курамы ошол бойдон калды. Бул тууралуу Жогорку Кеңештин кезексиз жыйынында премьер-министр Садыр Жапаров билдирди.
Буга чейин ал эл өкүлдөрүнүн алдына программасы менен чыккан. Ал өлкөдөгү абал оор болгондуктан өкмөттүн структурасы менен курамы ошол бойдон каларын билдирди.
Ал ошондой эле вице-премьер Эркин Асрандиев кызматтан кетүү боюнча арызын берип жибергенин кошумчалады.
