Окумуштуулар адам кайсы куракта өзүн бактысыз сезерин аныкташты

© AFP / PHILIPPE HUGUENБарда киши тамеки чегип отурат. Архив
Барда киши тамеки чегип отурат. Архив - Sputnik Кыргызстан
Жазылуу
Иликтөөдө адамдын бактылуу жашоосу 18-20 жашка туура келерин, ал эми бактысыздык мезгили качан болору аныкталган.

БИШКЕК, 7-сен. — Sputnik. Окумуштуулар адамдын жашоосундагы эң бактысыз мезгил 47-48 жашка туура келерин аныкташты. Бул тууралуу "Известия" маалымат булагы жазды.

Иликтөөнү АКШдагы Дартмут колледжи жана Улуттук экономикалык изилдөөлөр бюросунун адистери жасашкан. Документте бул сырткы факторлордон эмес, организмдеги биохимиялык процесстерден жана гормондордун деңгээлинен улам келип чыккан көрүнүш экени айтылат.

Окумуштуулар 132 өлкөнүн маалыматтарын иликтөөгө алышкан. Алар ар кайсыл жаш курактагы адамдардын өз жашоосуна канчалык канааттанганын баалоону суранышкан. Көрсө, бакыттын ийри сызыгы латынча U тамгасы экен.

Жыйынтыкка ылайык, адамдын эң бактылуу жашоосу 18-20 жашка туура келет. Кийин абал тескери жагына өзгөрүп, болжол менен 47-48 жашта өзүнүн чокусуна жетет.

Адис адам карып бара жаткандагы эң маанилүү үч куракты атады

Маалыматта өнүккөн өлкөлөрдө адамдар 47 жашында, өнүгүп келе жаткан мамлекеттерде 48 жаш жана эки айда кризиске кабылышат, ал эми Россияда, Кытайда жана Мексикада үмүтсүздүк шамы 43 жашында байкалат.

Бул абал 60 жашка чейин созулуп, ийри сызык кайра өйдөнү көздөй багыт алат жана 70 жашта адам жашоодон ырахат ала баштайт.

Жаңылыктар түрмөгү
0