БИШКЕК, 4-сен. — Sputnik. Учурда Кыргызстанда алты авиакомпания туруктуу каттамдарды беш багыт боюнча учуруп жатат. Бул тууралуу Жарандык авиация агенттиги өзүнүн расмий сайтында жарыялады.
Жергиликтүү Avia Traffic компаниясы аптасына эки ирет Түркиянын Стамбул жана Анталия шаарларына барып келүүдө. Ал эми Pegasus Airlines менен Turkish Airlines компаниялары жумасына бир ирет Стамбулдан Бишкек шаарына келип кетет.
Дубай шаарына барууну каалагандар Fly-Dubai компаниясынын кызматын пайдаланса болот.
Элчилик тизме түзбөйт. Россиядагы мекендештер Кыргызстанга өз алдынча келе алат
Air Arabia Шаржа — Бишкек — Шаржа багыты боюнча учса, Jazeera Airways Кувейт мамлекетинен жумасына бир ирет Бишкекке келип кетет.
Ал эми Россиянын шаарларынан азырынча чартердик каттамдар болууда. Алардын убакыт сааты боюнча Sputnik редакциясынын башка материалынан таанышсаңыз болот.
