Мэрия Маданият министрлигине тазалыкты сактабагандыгы үчүн айып салды

БИШКЕК, 24-авг. — Sputnik. Бишкек мэриясынын Санитардык-экологиялык инспекциясы Маданият, маалымат жана туризм министрлигине эскертүүнү аткарбагандыгы үчүн айып салды. Бул тууралуу муниципалитеттен билдиришти.

"Шаар тургундары Бишкектеги Абдрахманов менен Мичурин көчөлөрүнүн кесилишинде жайгашкан Кычан Жакыпов атындагы сейил багы каралбай калгандыгы тууралуу көп даттанышат. Адистер жерине барып, сейил бактын абалын көргөн соң паркка ээлик кылган Маданият, маалымат жана туризм министрлигине эскертүү берген. Бирок тапшырма аткарылган эмес. Ведомство парктагы таштанды, куураган бактарга көңүл бурбай келет", — деп айтылат бидирүүдө.

Мэрия министрлик канча айып пул төлөшү керектигин көрсөткөн эмес. Бирок Эреже бузуулар кодексине ылайык, юридикалык тараптарга 13 миң сом айып салынат.

Мэрия: Бишкектеги карьердин түтөп, сасышына жол бергендер иштен алынды

Мэрия шаар тургундарын тазалыкты сактоого чакырып, тазаланбаган аймактарды көрсө төмөнкү телефондорго кабарлоону өтүнөт.

• Мэриянын санитардык-экологиялык инспекциясы: 0 558 588 840;
• Биринчи май району: 0 555 404 818;
• Свердлов району: 0 551 551 745;
• Октябрь району: 0 500 210 470;
• Ленин району: 0500 085 580.