БИШКЕК, 20-авг. — Sputnik. Кыргызстанда өткөн суткада коронавирустан каза болгондор катталган жок. Бул тууралуу Республикалык штаб кабарлады.
Анткен менен брифинг учурунда саламаттык сактоо министринин орун басары Нурболот Үсөнбаев өткөн суткада Баткен облусунда бир бейтап пневмониядан (коронавирус лабораториялык жактан тастыкталган эмес) көз жумганын айткан болчу.
Бир аздан кийин министрликтин маалымат кызматы техникалык мүчүлүштүк кеткенин билдирди. Тагыраагы, кечээ каза болгон бейтап тууралуу маалымат бүгүнкү статистикага кирип калган. Соңку суткада өлүм катталган эмес.
Кечээ күнкү маалымат боюнча, жалпысынан коронавирустан өлкөдө 1 054 адам көз жумган.
COVID-19га каршы вакцинаны алууга кантип даярдануу керектиги айтылды
Буга чейин оорудан акка моюн сунгандар бир жарым миңге жетти деп саналып, бирок бийлик статистиканы кайра карап чыккандан кийин 437си коронавирустан эмес, башка дарттан өлгөнү аныкталганы айтылган.
