Коронавирус күчөгөн июлда канча салык жана төлөм жыйналганы айтылды

© Фото / пресс-служба ГНС КРПредседатель ГНС КР Кабыл Абдалиев
Председатель ГНС КР Кабыл Абдалиев - Sputnik Кыргызстан
Жазылуу
Карантинге байланыштуу үстүбүздөгү жылдын беш айынын жыйынтыгы боюнча бюджетке тийиштүү каражат түшпөй калган. Бирок соңку айда салык менен төлөмдөр көбөйдү.

БИШКЕК, 20-авг. — Sputnik. Ушул жылдын июль айында Мамлекеттик салык кызматы тарабынан 6 миллиард 859,1 миллион сом өлчөмүндө салык жана төлөм жыйналган. Бул тууралуу МСКнын төрагасы Кабыл Абдалиев брифинг учурунда билдирди.

Анын айтымында, белгиленген план 109,9 % пайызга же 616,1 миллион сомго ашыгы менен аткарылган. Өткөн жылдын ушул мезгилине салыштырмалуу салыктардын жана төлөмдөрдүн келип түшүүсү 548,9 миллион сомго көбөйгөн.

Ошону менен бирге ушул жылдын жети айында 40 миллиард 452,3 миллион сом салык жыйналып, план 90 пайызга же 4 миллиард 489,6 миллион сомго кем аткарылган.

Өкмөт бизнести колдоо үчүн насыя берүүнү улантууда. Шарты

Абдалиев белгилегендей, январь-февраль айларында салык чогултуу белгиленген планда жүргөн. Бирок карантинге байланыштуу үстүбүздөгү жылдын беш айынын жыйынтыгы боюнча мамлекеттик бюджетке 6 миллиард 417,8 миллион, ал эми республикалык бюджетке 5 миллиард 438,3 миллион сом түшпөй калган.

Ал эми акыркы эки айдын ичинде өлкөдөгү эпидемиологиялык кырдаалга карабастан мамлекеттик бюджет боюнча артта калуулар 2 миллиард сомго, ал эми республикалык бюджет боюнча 1,9 миллиард сомго кыскартылганы кошумчаланды.

Жаңылыктар түрмөгү
0