Өкмөт бизнести колдоо үчүн насыя берүүнү улантууда. Шарты

Жазылуу
Кыргыз өкмөтү ишкерлерге колдоо көрсөтүү үчүн рыноктогу чектен эки-үч эсе арзан кредит берүү чечимин кабыл алган.

БИШКЕК, 20-авг. — Sputnik. Экономика министрлиги коронавирус шартында жабыр тарткан ишканаларды колдоо иретинде жеңилдетилген насыялар берилип жатканын эске салат.

Белгилей кетсек, кыргыз өкмөтү ишкерлерге колдоо көрсөтүү үчүн рыноктогу чектен эки-үч эсе арзан кредит берүү чечимин кабыл алган. Каржылоо июль айында башталган.

Кредитти туризм, мейманкана жана ресторан кызматын көрсөтүү, дүң-чекене соода, жеңил өнөр жайы, текстиль өндүрүшү, кийим, бут кийим, тери жана башка тери буюмдарын өндүрүү, фармацевтика өнөр жайлары, жүк ташуу, транспорттук кызмат көрсөтүү, өндүрүштүк жана кайра иштетүү тармактары ала алат.

Былтыр банктар элге канча насыяны кандай максатта берген. Сандар

Кредит алууну каалаган ишкер КР резиденти, Мамлекеттик салык кызматынан жана Социалдык фонддон каттоодон өткөн тарап болушу шарт.

Кутулуу мөөнөтү — бир жылдан беш жылга чейин. Жылдынк үстөк 4 пайыздан башталат. Ишкерлер бизнесинин көлөмүнө жараша 150 миң сомдон 30 миллион сомго чейин алса болот.

Жаңылыктар түрмөгү
0