БИШКЕК, 15-июл. — Sputnik. Өлкө башчы Сооронбай Жээнбеков саламаттык сактоо жаатындагы Кыргызстандагы белгилүү адистер менен жолугуп, азыркы эпидемиологиялык кырдаалды талкуулады. Бул тууралуу президенттин маалымат кызматы кабарлады.
Ага ылайык, жолугушууда Сооронбай Жээнбеков адистердин кырдаал боюнча пикирлерин, Саламаттык сактоо министрлигинде жаралган көйгөйлөрдү чечүү үчүн практикалык сунуштарын укту.
Кыргызстан 13 тез жардам унаасын сатып алды, үчөөнүн ИВЛ аппараты бар. Сүрөт
"Медиктер азыр коронавирус менен болушунча күрөшүп жатат. Баарыбыз учурдагы көйгөйлөр менен алекпиз. Бирок илдет менен күрөшүүдө иш натыйжалуу болуш үчүн кырдаалга анализ кылуу жана өлкөдө илдеттин мындан аркы жүрүшүн божомолдоо зарыл. Ошол себептен өкмөткө иш жүзүндө жардам берүү керек", — деди Жээнбеков.
Президент аймактарда илдетке чалдыккандардын саны өсө баштаганын айтып, жер-жерлердеги медиктерге кеп-кеңеш берип, алардын квалификациясын жогорулатуу зарылдыгын белгилеген.
"Сактап кал" деп жалдыраган көздөр жүрөгүмдү тилип кетти. Ыктыярчылардын маеги
Ал эми президент менен жолуккан адистер саламаттык сактоо тармагынын иш-аракеттерин координациялоо үчүн Коомдук саламаттыктын улуттук институтун түзүүнү сунуш кылышкан.
Өлкө башчы менен жолуккан адистер:
- Нурлан Бримкулов — медицина илимдеринин доктору, профессор, Иса Ахунбаев атындагы КММАнын үй-бүлөлүк медицинаны дипломдон кийинки окутуу кафедрасынын башчысы;
- Касымбек Мамбетов — ДССУ эксперти;
- Акпай Сарыбаев — медицина илимдеринин доктору, профессор, Улуттук кардиология жана терапия борборунун директору;
- Омор Касымов — медицина илимдеринин доктору, профессор, Россия табият таануу илимдер академиясынын академиги, "Профилактикалык медицина" илимий-өндүрүштүк бирикмесинин директору;
- Айнура Кутманова — медицина илимдеринин доктору, профессор, Саламаттык сактоо министрлигинин жугуштуу оорулар боюнча штаттан тышкаркы башкы адиси;
- Аида Зурдинова — медицина илимдеринин доктору, Саламаттык сактоо министрлигинин штаттан тышкаркы башкы клиникалык фармакологу;
- Нуриля Алтымышева — Ден соолукту бекемдөө республикалык борборунун (ДБРБ) директору;
- Бактыгүл Камбаралиева — дары-дармектерди ырааттуу пайдалануу боюнча адис.
