БИШКЕК, 2-июл. — Sputnik. Өткөн суткада Кыргызстанда төрт адам коронавирустан каза болду. Бул туурасында Коомдук саламаттык сактоо башкармалыгынын башчысы Айнура Акматова брифинг учурунда билдирди.
Жугуштуу оорудан көз жумгандар өлкөнүн үч аймагында катталды.
- Кыргыз-түрк "Достук" ооруканасынан 71 жаштагы эркек киши;
- Ноокат аймактык ооруканасынан 70 жаштагы эркек киши;
- Кочкор аймактык ооруканасынан – 69 жаштагы аял жана 56 жаштагы эркек киши.
Ушуну менен өлкөдө COVID-19 жугузуп алып каза болгондордун саны 66 кишини түздү.