БИШКЕК, 20-июн. — Sputnik. Кыргызстанда акыркы суткада 192 кишиден коронавирус табылды. Бул тууралуу саламаттык сактоо министринин орун басары Нурболот Үсөнбаев брифинг учурунда маалымдады.
Анын айтымында, жаңы жуктурган учурлардын басымдуу бөлүгү Бишкек шаарында.
Республика боюнча көрсөткүч:
- Бишкек ш. – 94
- Чүй облусу - 62
- Ош ш. – 16
- Ош облусу – 14
- Ысык-Көл облусу – 2
- Талас облусу – 2
- Нарын облусу – 2
Министрлик менен мэрия шаардыктарды санитардык-эпидемиологиялык эрежелерди тыкыр сактоону эскертип келет.
Бардыгы болуп республика боюнча 2981 кишиден вирус аныкталды.
