БИШКЕК, 16-июн. — Sputnik. Дарыгерлер COVID-19га чалдыгыптырсың деп чыгарып берген анализдин сүрөтүн PR-адис Марина Ким өзүнүн Telegram-каналына жүктөгөн.
Ким кечээ андан коронавирус табылгандыгын, бирок оору симптому жок өтүп жаткандыгын окурмандарга билдирген эле.
"Абалым жакшы, оолактап өзүмчөмүн, оорунун белгилери жок. Аягына чейин ушундай болот деп үмүттөнүп жатам. Анткен менен "корона" ушунчалык жаман вирус экен, капыстан сюрприз жасашы мүмкүн дешти. Байкоо салып турам", — деп жазган Ким.
Ал илдетти кайдан жуктуруп алгандыгын билбей калган.
Кимдин айтымында, "кайдан кабыларың да белгисиз, кайсы жерден күтүп турганын да аңдабайсың".
PR-адис анын айыгып кетишин тилеп, саламаттыгына тынчсызданып жаткандарга ыраазылыгын билдирип, оору жеңил өтүп кетерине ниеттенип жатканын жазган.
Кыргызстанда коронавирус жуктургандардын жалпы саны 2472ге жетип, анын 1847си айыкты. Тилекке каршы, 28 адам дал ушул вирустун кесепетинен көз жумду.
