БИШКЕК, 29-май — Sputnik. Ысык-Көл облусуна кирип бара жатканда туристтер үчүн эч кандай тоскоолдук жаралбайт. Бул тууралуу маданият, маалымат жана туризм министри Азамат Жаманкулов билдирди.
"Негизи туристтик объектилерге барууда эч кандай тоскоолдуктар болбойт. Учурда Көлгө кирип бара жаткандагы Балыкчы шаарындагы пост тууралу көп сурап жатышат. Биз мурда каралган бардык чектөөлөрдү алып салдык. Бирок туристтин дене табы ченелет жана кирип бара жаткан автоунаа тууралуу маалыматтар катталат", — деди Жаманкулов.
Ошондой эле ал ар бир туристтик объектиге санитардык талаптар коюлат. Алар тууралуу жакынкы күндө белгилүү болот.
Жаманкуловдун айтымында, былтыр чет элдик туристтерден 613 миллион доллар киреше түшкөн. Пандемияны эске алганда быйылкы кирешенин 40-60 пайызынан куру каларыбыз күтүлүүдө.
