БИШКЕК, 13-май — Sputnik. АКШнын Лос-Анджелес аймагында коронавирусту жуктурган бейтапты жандандырган медайым эки жумадан кийин өзү инфекциядан көз жумду. Бул тууралуу РИА Новости жазды.
Ошол эле учурда басылмада аялдын өлүмүнүн башкача версиясы да келтирилген. Атын атагысы келбеген медайым ооруканада кызматкерлер үчүн коргоочу бет каптар жетишсиз болгонун айтып чыккан. Эмгекти коргоо боюнча жергиликтүү департамент аялдын өлүмүн жеке коргонуу каражаттарынын тартыштыгы менен байланыштырган. Ал эми оорукананын кызматкерлери бул айыптоолорду четке кагууда.
Жонс Хопкинс университетинин эсептөөлөрүнө ылайык, каза болгондор жана жуктургандардын саны боюнча АКШ биринчи орунда турат. Өлкөдө 1,3 миллион кишиде вирус аныкталып, 80 миңден ашуун бейтап көз жумган.
