БИШКЕК, 7-май — Sputnik. Бишкек шаарынын мэриясы маяна төлөө үчүн өкмөттөн каражат сурайт. Бул туурасында вице-мэр Алмаз Бакетаев брифинг учурунда билдирди.
Анын айтымында, коронавирустан улам 1,5 айда борбор калаанын казынасына 900 миллион сомдон ашык каражат түшпөй калган.
"Мэриянын бюджетинин чыгымдарын жабуу боюнча тобокелчиликтер бар. Тагыраак айтканда, айлык төлөө жаатында. Мындан улам бир жумага кечиктирилиши мүмкүн. Бул боюнча өкмөт менен сүйлөшүүлөрдү жүргүзүп, каржылык жардам алууну күтүп жатабыз. Көбү мугалимдердин маянасына жумшалат", — деди Бакетаев.
Белгилей кетсек, мэриянын бюджети республикалык бюджеттен сырткары өзүнчө бекитилет. Муниципалдык кызматкерлер айлыкты мэриядан алышат.
Коронавирустун кесепети
Өлкөдө учурда абал кандай болуп жатканын Sputnik Кыргызстан агенттиги жүргүзгөн тексттик трансляциядан билүүгө болот.
Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.
Кабарларды ыкчам, ыңгайлуу шартта окуу үчүн Telegram каналыбызга баш багыңыз.
